Vaxtaleysisákvæði samnings við hollenska ríkið

Grein 3.2 Vextir (a) Tryggingarsjóður skal greiða Hollandi vexti af endurgreiðslufjárhæðinni, (i) skv. vaxtastigi fyrra tímabils fyrir tímabilið frá 1. október 2009 til upphafsdags seinna tímabils, og (ii) skv. viðmiðunarvöxtum seinna tímabils fyrir tímabilið frá og með upphafsdegi seinna tímabils. Slíkir vextir skulu halda áfram að leggjast á að því marki sem lög sem gilda heimila bæði fyrir og eftir gjaldþrot, ógjaldfærni, endurskipu-lagningu, skipti, endurskipulagningu innan eða utan réttar, slit, samkomulag, nauðasamning eða aðlögun skulda Tryggingarsjóðs. Til að fyrirbyggja vafa skal tekið fram að ekki þarf að greiða vexti vegna tímabila fyrir 1. október 2009.

Vaxtaleysisákvæði samnings við breska ríkið

Grein 4.2 Vextir. (a) (i) Tryggingarsjóður skal greiða umboðsmönnum breska fjármálaráðuneytisins vexti af endurgreiðslufjárhæðinni, (A) skv. vaxtastigi fyrra tímabils fyrir tímabilið frá 1. október 2009 til upphafsdags seinna tímabils, og (B) skv. viðmiðunarvöxtum seinna tímabils fyrir tímabilið frá og með upphafsdegi seinna tímabils.

(ii) að því er varðar tímabilið frá 1. október 2009 til fyrstu útgreiðslu skv. samningi þessum, þá skal endurgreiðslufjárhæðin til útreiknings vaxta sem ber að greiða teljast á hverjum tíma vera samanlögð fjárhæð alls þess sem FSCS hefur greitt út fyrir hönd Tryggingarsjóðsins við uppgjör FSCS á kröfum innstæðueigenda hjá Landbankanum í London skv. lögum nr. 98/1999, allt að fjárhæð 16.872,99 sterlingspund á innstæðueiganda (eða, þar sem það á við, til sameiginlegra reikningshafa) að viðbættum vöxtum sem bæst hafa við skv. i-lið c-liðar hér að neðan.

(iii) Slíkir vextir skulu halda áfram að leggjast á að því marki sem gildandi lög heimila bæði fyrir og eftir gjaldþrot, ógjaldfærni, endurskipulagningu, skipti, endurskipulagningu innan eða utan réttar, slit, samkomulag, nauðasamning eða aðlögun skulda Tryggingarsjóðs.
 

Til að fyrirbyggja vafa skal tekið fram að ekki þarf að greiða vexti vegna tímabila fyrir 1. október 2009.